ប្រមុខការទូតចិនជំរុញឲ្យកម្ពុជាដោះស្រាយបញ្ហានយោបាយដោយសន្តិវិធី

21 August 2013
Radio France International

លោក វ៉ាង យី រដ្ឋមន្ត្រីការបរទេសចិនដែលកំពុងបំពេញទស្សនកិច្ចនៅភ្នំពេញ បានជំរុញឲ្យកម្ពុជាដោះស្រាយបញ្ហាបោះឆ្នោតដោយសន្តិវិធីតាមរយៈ កិច្ចពិភាក្សាគ្នា។ ការជំរុញបែបនេះបានធ្វើឡើងខណៈដែលកម្ពុជាកំពុងជួបភាពតានតឹងខាង នយោបាយដោះស្រាយមិនចេញរវាងគណបក្សជាប់ឆ្នោតទាំងពីរ។ ប៉ុន្តែ ប្រមុខការទូតទីក្រុងប៉េកាំងបានគាំទ្រយ៉ាងចំហដល់គណបក្សប្រជាជនកម្ពុជា ក្នុងឋានៈជាគណបក្សឈ្នះឆ្នោត។

ថ្លែងក្នុងសន្និសីទកាសែតរួមគ្នាមួយនៅថ្ងៃពុធនេះនៅសណ្ឋាគារ អាំងទែកុងទីណង់តាល់ លោក វ៉ាង យី រដ្ឋមន្ត្រីការបរទេសចិន បានសម្តែងការគាំទ្រយ៉ាងម៉ឺងម៉ាត់ដល់រដ្ឋាភិបាលរបស់លោកនាយក រដ្ឋមន្ត្រី ហ៊ុន សែន ជាពិសេសគណបក្សប្រជាជនកម្ពុជាដែលបានឈ្នះឆ្នោតភាគច្រើននៅក្នុង រដ្ឋសភា។ ជាការឆ្លើយតប លោក ហោ ណាំហុង រដ្ឋមន្ត្រីការបរទេសកម្ពុជាបានថ្លែងអំណរគុណចំពោះចិនដែលបាន គាំទ្រលទ្ធផលបោះឆ្នោតនៅពេលនេះ។ យ៉ាងណាក៏ដោយ ប្រមុខការទូតទីក្រុងប៉េកាំងបានជំរុញឲ្យភាគីជម្លោះនយោបាយនៅ កម្ពុជាដោះស្រាយបញ្ហាដោយសន្តិវិធីតាមរយៈការចរចាគ្នាដើម្បីឈានទៅ បង្កើតរដ្ឋសភា និងរដ្ឋាភិបាលថ្មីនៅពេលខាងមុខ។ ក្នុងជំនួបជាមួយលោកនាយករដ្ឋមន្ត្រី ហ៊ុន សែន នៅឯវិមានសន្តិភាពនាព្រឹកថ្ងៃពុធទី ២១ សីហានេះ រដ្ឋមន្ត្រីការបរទេសចិនក៏បានជំរុញបញ្ហានេះដូចគ្នាដែរ។ នៅក្នុងជំនួបជាង ២ ម៉ោងនោះ ប្រមុខការទូតចិនបានសាទរចំពោះការបោះឆ្នោតជ្រើសរើសតំណាងរាស្ត្រ អាណត្តិទី៥នៅកម្ពុជាកាលពីថ្ងៃទី ២៨ កក្កដា ដែលគណបក្សប្រជាជនកម្ពុជាបានឈ្នះកៅអីភាគច្រើននៅក្នុង រដ្ឋសភា។ រដ្ឋមន្ត្រីការបរទេសចិន លោក វ៉ាង យី ក៏បានសង្កេតឃើញដែរថា ការបោះឆ្នោតនៅកម្ពុជាមានលក្ខណៈកាន់តែល្អប្រសើរ។…

http://www.khmer.rfi.fr/Cambodia-china-politic